Traveller Lauterbrunnen (Switzerland)

Copy of Humsafar - Deepti Bhatnagar travels to Hong Kong with her family.

Cobalt Air First Flight - A320 from LCA to ATH - New Airline's Inaugural

Emirates Airlines 1st class ���� Airbus A380

Navarre Beach Helicopter Jump

Jumeirah Beach Park Dubai FULL HD

How to change negative thoughts by changing behaviours |malayalam Motivation

Style & Image | Make Up Tutorial | Reimagined By Etihad Airways

A Day in the Life of a Wizz Air Cabin Crew

Martina, Etihad Cabin Crew

Complete Etihad First Class Apartment Experience onboard A380 from London

Gift of love AWARD WINNING malayalam short film official HD

ഭാര്യ ഗർഭിണിയാണെന്ന് അറിഞ്ഞാൽ islamic speech kabeer baqavi speech

ഭർത്താക്കന്മാർ ഈ കാര്യം ശ്രദ്ധിക്കുക !! latest malayalam islamic speech

ഇത് പോലുള്ള ഭാര്യമാരുണ്ടോ നമുക്ക് noushad baqavi 2016 new speech

ഭര്‍ത്താവ് ഇഷ്ട്ടപ്പെടുന്ന ഭാര്യ best islamic speech latest 2016

Health and wellness TV- Malayalam health Tips

The Best Of Goa

TOP 10 Things To Do/See || Shimla

Kullu Manali Most Beautifull Places in India MS Creations

Home Design Ideas Shelf Models 2017 MS Creations

Shareef Kottakkal Creations

Editing work shareef Kottakkal hd video

MS Creations Intro Video

MS Creations Intro Video

MS Creations Indroo Video 3D Design

Dil Mein Chhupa Loonga Lyrical Video | Wajah Tum Ho | Armaan Malik & Tulsi Kumar | Meet Bros

Best Quran Recitation in the World 2016 Emotional Recitation |Heart Soothing by Abdur Rahman Al Ossi

How to handle tension and stress_malayalam

How to take decisions in your life | Malayalam Motivation |Madhu Bhaskaran

Ayat - Al Quran

ദീർഘ കാലത്തെ കാത്തിരുപ്പിന്നൊടുവിൽ King Saud University ഒരു *Complete Quran App* പുറത്തിറക്കിയിരിക്കുന്നു. *Ayat* എന്നു നാമകരണം ചെയ്തിട്ടുള്ള ഈ App മുസ്‌ഹഫ്‌ വായിക്കുന്നത്‌ പോലെ വായിക്കുവാനും , *മനോഹരമായ Quran പാരായണം ശ്രവിക്കാനും, ഒപ്പം 20ഓളം ഭാഷകളിൽ അർത്ഥം അറിയാനും* (English, മലയാളം) പ്രമുഖ വ്യക്തികളുടെ തഫ്സീർ വായിക്കാനുമുള്ള സൗകര്യം ഉള്ളതാണ്. King Saud University യുടെ ഈ വർഷത്തെ ഏറ്റവും നല്ല ഗിഫ്റ്റ്‌ കൂടിയാണിത്.

എല്ലാവരിലേക്കും എത്തിക്കുമല്ലോ..

 അല്ലാഹു ഏതൊരു സ്വാലിഹായ അമലാക്കട്ടെ.. ആമീൻ

Powers of Sub Conscious Mind (ഉപബോധ മനസ്സിന്റെ ശക്തി )

Avil Milk Delicious Malabar Drink അവിൽ മിൽക്ക്

Deepti Bhatnagar travels to Kerala - Coconut Lagoon Resort

Kerala Tourism - Explore Pathanamthitta

അവള്‍ എന്നെ തേച്ചിട്ട് പോയീ

എല്ലാ Boys ഉം പറയണ കേള്‍ക്കാറുണ്ട്... അവള്‍ എന്നെ തേച്ചിട്ട് പോയീന്ന്...
സൗന്ദര്യമുള്ള അല്ലെ ങ്കില്‍ പണമുള്ള പെണ്ണിനു പുറകെ പോയിട്ടല്ലേ അങ്ങനെ സംഭവിക്കണേ..??

ആലോചിച്ച് നോക്ക്....!!!!!🤔

ഒന്നും ആലോചിക്കാതെ സൗന്ദര്യമുള്ള ഒരു പെണ്ണിനെ കാണുമ്പോള്‍ എടുത്ത് ചാടി ഇഷ്ടാണെന്ന് പറയും, കുറച്ച് നാള്‍ കഴിഞ്ഞാല്‍ എന്തെങ്കിലും ഒരു Reason പറഞ്ഞ് Break up..

എന്നാല്‍ നമ്മുടെ *Soulmate* നെ പങ്കാളിയായിട്ട് തിരഞ്ഞെടുത്താലോ...??? 🤔🤔🤔🤔🤔🤔🤔

ആലോചിച്ച് നോക്ക് Life എത്ര സുന്ദരമാകും എന്ന്....? 🤔😍

നീ ഇപ്പോള്‍ ആലോചിക്കുന്നത് നമ്മുടെ *Soulmate* നെ എങ്ങനെ കണ്ടുപിടിക്കും എന്നല്ലേ...???

ഇത്രയും നാള്‍ക്കിടയില്‍ നമ്മള്‍ എന്തായാലും നമ്മുടെ *Soulmate* നെ കണ്ടുമുട്ടിയിട്ടുണ്ടാകും...

ചിലപ്പോള്‍ നമ്മുടെ കൂടെ തന്നെ ഉണ്ടാകും...

കണ്ടുപിടിക്കാനുള്ള വഴി ഞാന്‍ പറഞ്ഞുതരാം..👍

ഇനി ഞാന്‍ ചോദിക്കുന്ന ചോദ്യങ്ങള്‍ക്ക് ഉത്തരം കണ്ടുപിടിക്ക്.. അപ്പോള്‍ മനസ്സിലാകും നിങ്ങളുടെ Soulmate ആരാണെന്ന്..!

*Are You Ready* 👍

> നിങ്ങളെ ഏതെങ്കിലും ഒരു Special name മാത്രാ അവള്‍ വിളിക്കൊള്ളൂ.. നി തിരിച്ചും.. എത്ര ആള്‍ക്കൂട്ടത്തിനിടയിലും ആ പേരു കേട്ടാല്‍ അവള്‍ടെ മുഖം നിന്റെ മനസ്സിലേയ്ക്ക് വരും.. ആരുടെയാ..??? 🤔

>അധികം സമയം ഒന്നും നീ അവള്‍ടെ കൂടെ ചിലവിട്ടിട്ടുണ്ടാകില്ല. അടുത്തെത്തുമ്പോള്‍ പറന്നുപോകുന്ന തുമ്പിയെ പോലെ, ഓടി വന്ന് ഓടി പോകും.. ആരാ അത്????🤔

>നേരിട്ട് അധികം മിണ്ടില്ലേലും Phone വിളിച്ചോ Text ചെയ്തോ ഒരുപാട് നേരം അവളും ആയി ചിലവിളിക്കാറില്ലേ...???🤔ആരുമായിട്ടാ...? 🤔

>വേറെ എതേലും പെണ്‍കൊച്ചിന്റെ കൂടെ നടക്കണത് കണ്ടാല്‍ കുശുമ്പ് കേറി മുഖം വാടും.. പിന്നെ അതിന്റെ പേരില്‍ Inboxല്‍ ശാസന കിട്ടും.. ആരേലും അങ്ങനെ ചെയ്തിട്ടുണ്ടോ???🤔

>അവളെ കാണിക്കാന്‍ വേണ്ടി ഒരുപാട് തവണ നീ Show കാണിച്ച് നടന്നിട്ടുണ്ട്.. ഇല്ലെ..?😝 അങ്ങനെയെങ്കില്‍ എപ്പോഴോ അവളോടൊരു Crush തോന്നീട്ടില്ലെ...????😉

>എന്തെങ്കിലും പറഞ്ഞ് എപ്പോഴും നിന്നെ കളിയാക്കിക്കൊണ്ടിരിക്കണ ഒരാളില്ലേ..???😂

> കയ്യിലുള്ള സകല തോന്ന്യാസങ്ങളും നിന്റടുത്തല്ലേ അവളിടുക്കണേ..??? 🙈🙊🙉 വഴക്കിടാത്ത ദിവസങ്ങള്‍ അപൂര്‍വ്വം മാത്രം..😜 പറ്റിച്ചും തമ്മിത്തല്ലീം നിന്റെ സമയം കളയണ ഒരു കൂട്ടുകാരി നിനക്കില്ലേ???🤔

>പിണങ്ങീന്നു തോന്നിയാല്‍ ഒാടിവന്ന് മിണ്ടും.. എന്തിനാണെണോ? അധികം ദൂരേയ്ക് നീ പോകാതിരിക്കാനാ..😍 നിന്റെ മുന്നില്‍ എത്ര താഴ്ന്നുതരാനും ഒരു മടീം ഉണ്ടാവില്ല..😘കാലു പിടിച്ചിട്ടാണേലും വഴക്ക് മാറ്റും.. ശരിക്കും ഒന്ന് ആലോചിച്ച് നോക്കിയേ.. അവളോട് വഴക്കിട്ടിരിയ്കാന്‍ നിനക്ക് പറ്റഞ്ഞിട്ടല്ലെ??? 😌അങ്ങനെ ഒരാള്‍ ഇല്ലെ???🤔

>ഇടയ്ക്ക് ഇടയ്ക്ക് നിന്റെ കണ്ണുകള്‍ അവളെ തിരയാറില്ലെ..??? 😉നിന്റെ സകല തെണ്ടിത്തരങ്ങളും അറിഞ്ഞിട്ടും ഒന്നും അറിയാത്തവളെ പോലെ കൊഞ്ചിക്കൊണ്ട് പുറകെ വരും..!! ആരാ അത്???🤔

>എപ്പോഴും നിന്നോട് എന്തേലും ഒക്കെ ആവശ്യപ്പെട്ടോണ്ടിരിക്കണത് ആരാ???🤔

> രാത്രി കൃത്യം 12 മണിയ്ക്ക് തന്നെ Bday Wish ചെയ്യാറില്ലെ അവള്‍???🤔

> എത്ര Tension ഉണ്ടെങ്കിലും അവളോട് മിണ്ടുമ്പോള്‍ എല്ലാം മറന്ന് നി Happy ആവില്ലേ????🤔

ആലോചിക്ക്!!!🤔 നന്നായിട്ട് ആലോചിക്ക്!!!🤔

കിട്ടിയോ????

അവളാരാണെന്ന് മനസ്സിലായൊ???
മനസ്സിലായീട്ടുണ്ടാകുമല്ലൊ!!!!
അങ്ങനെ എങ്കില്‍ Life Full അവള്‍ കൂടെ ഉണ്ടെങ്കിലൊ??? 😍
Life എത്ര Happy ആയിരിക്കും...
👍വേറെ ആരേലും കൊണ്ട് പോണേനും മുന്‍പ് ഓടിച്ചെന്ന് ഇഷ്ടാണെന്ന് പറ അവളോട്!!!😎
ഒരുത്തിയെ വളച്ചിടുക്കേണ്ടത് എങ്ങനാന്ന് ഞാന്‍ പറഞ്ഞു തരണ്ട ആവശ്യം ഇല്ലാല്ലൊ അല്ലേ?😉
അങ്ങനെ ഒരു പെണ്ണ് ഉണ്ടേല്‍ അവള്‍ നിന്റെയാ..!!!❤ ആ പെണ്ണ് അനക്കുള്ളത് തന്നെയാ മച്ചാ...❤
ഇനിയും അവള്‍ടെ കാര്യത്തില്‍ Doubt ഉണ്ടേല്‍.. ഒരു വഴി പറഞ്ഞുതരാം, അവളെ ഒറ്റയ്ക്ക് വിളിച്ച് അവളുടെ കണ്ണുകളിലേയ്ക് തന്നെ നോക്കിക്കൊണ്ട് സംസാരിയ്ക്ക്... ആരേലും ഒരാള്‍ക്ക് Spark അടിയ്ക്കും... മുഖം തിരിയ്ക്കും.. ആ കണ്ണുകളില്‍ ഒളിഞ്ഞിരിക്കുന്ന കള്ളത്തരം നീ ആണെന്ന് തിരിച്ചറിയെന്റിഷ്ടാ....!!!! 💑

*If you love her tell her maybe she loves you too*❤

അപ്പോ *All The Best

കടപ്പാട് : എഴുതിയ കൂട്ടുകാരന്

വെള്ളാരം കണ്ണുള്ള നാദിയ

അവളുടെ ചുവന്ന ചുണ്ടുകളിലേക്ക് മുത്തമിടാനുള്ള എന്റെ ശ്രമത്തിലേക്ക് വെള്ളാരം കണ്ണുകളാൽ അവളെന്നെ നോക്കി കൊണ്ട് തടഞ്ഞു..
ഞാനൊരു കള്ള ചിരിയോടെ കൂടുതൽ ബലം പ്രയോഗിച്ചു. അവളും ബലം പ്രയോഗിക്കുന്നുണ്ട്. വിട്ടുകൊടുക്കാൻ ഞാൻ തയ്യറായില്ലാ...
പെട്ടെന്ന് ഒരു ശബ്ദം.

"എന്താടാ പോത്തേ നീയീ കാണിക്കുന്നത്?"

എനിക്കും അവൾക്കും ഇടയിലേക്ക് പാറയിൽ ചിരട്ട കൊണ്ടുരക്കുന്നതുപോലൊരു ശബ്ദം!
എവിടെന്നാണിത്...?
ചുവന്ന ചുണ്ടുകളും വെള്ളാരം കണ്ണുകളും മാഞ്ഞുപോയ നിമിഷം
കണ്ണുകൾ താനെ തുറന്നുപോയി. അതാ താൻ ഉപ്പാനെ ബലമായി കെട്ടി പിടിച്ചു മുത്തം കൊടുക്കാനുള്ള ശ്രമം..
പടച്ചോനേ സ്വപ്നം! മുന്നിൽ ദേഷ്യത്തിൽ തുറിച്ച കണ്ണുകളാൽ ഉപ്പാ എന്നെ നോക്കി കിടക്കുന്നു..
ഞാൻ പ്പെട്ടു.
ഇന്നലെ മുറിയിലെ ഫാൻ കറക്കം മതിയാക്കി ചത്തപ്പോൾ ഉഷ്ണം കൂടുതലുള്ള ഉപ്പ തന്റെ മുറിയിലാണ് കിടന്നത്..
എന്തക്കെയോ പിറുപിറുത്തു കൊണ്ട് ഉപ്പ എണിറ്റുപോയി.
ആകെപ്പാടെ ഒരു ചമ്മൽ.. ഞാനും മെല്ലെ എഴുന്നേറ്റു.. എന്നാലും ആ സ്വപ്നം..

കുളികഴിഞ്ഞ് മുറിയിൽ നിന്നും ഞാൻ ഉമ്മയെ നീട്ടി വിളിച്ചു..

"ഉമ്മാ ഉമ്മോയ്... "

അടുക്കളയിൽ നിന്നും പാത്രങ്ങളുടെ ശബ്ദം കൂട്ടുപിടിച്ച് ഉമ്മയുടെ ഒച്ച.

എന്താടാ കാറുന്നത്?

ഞാൻ ദേഷ്യത്തിൽ പറഞ്ഞു

"എവിടെ എന്റെ പുതിയ ജെട്ടികൾ... ഇവിടെ കാണുന്നില്ലല്ലോ "

ഉച്ചത്തിൽ പറഞ്ഞ് മുണ്ടൊന്നു നേരെയുടുത്തു കൊണ്ട് ഞാൻ പുറത്തേക്കിറങ്ങിയപ്പോൾ..
വിടിന്റെ ഉമ്മറത്ത് നിറയെ പെണ്ണുങ്ങൾ.
എല്ലാവരും എന്നെ നോക്കി ചിരിക്കുന്നു.
എന്റെ ചങ്ക് കത്തി പടച്ചോനെ സകല മാനവും ജെട്ടിയിലൂടെ പോയി..
ചമ്മലോടെ ഞാൻ അകത്തേക്ക് വലിഞ്ഞു..

"എന്തിനാടാ തൊണ്ട പൊട്ടിക്കണത്.. ഇന്നാ "

അതും പറഞ്ഞ് ഉമ്മ രണ്ട് മൂന്നെണ്ണം കട്ടിലിലേക്കിട്ടു..
അതിനിടയിൽ ഞാൻ ചോദിച്ചു.

"പരദൂഷണകാര് മൊത്തമുണ്ടല്ലോ! എന്താണാവോ വിശേഷിച്ച്?"

ഉമ്മ ഒരു ചിരിയോടെ

"ഞങ്ങടെ കുടുംബശ്രിയുടെ പുതിയ പ്രസിഡന്റിനെ തിരഞ്ഞെടുക്കാൻ പോകുവാ.
മിക്കവാറും ഞാനായിരിക്കും.. "

"ഓ ഇനി അതിന്റെ കുറവു കൂടിയെ ഒള്ളു ഉമ്മാക്ക്...ഒരു ഉലക്കാമേലേ കുടുംബശ്രി"

"ഞങ്ങടെ കുടുംബശ്രിയെ കുറ്റം പറഞ്ഞാലുണ്ടല്ലോ അടുത്ത തവണ നീ കാശും ചോദിച്ച് വാ ഞാൻ തരാം.. "

"ഈ ഉമ്മാടെ ഒരു കാര്യം പറഞ്ഞ ഒരു തമാശ പറയാൻ പറ്റൂലാ."

ഉമ്മ പോയതും ഞാൻ കട്ടിലിലേക്ക് നോക്കി.
നീല ചുവപ്പ് കറുപ്പ് മൂന്ന് കളറുകൾ നിരന്നുകിടക്കുന്നു...
ഇന്ന് കമ്മ്യൂണിസ്റ്റുകാർക്കൊപ്പം സഞ്ചരിക്കാം ചുവപ്പ് സെലക്റ്റഡ്..
പെങ്ങളുടെ ഫെയർ ആൻഡ് ലൗവലി ഇത്തിരി മുഖത്ത് വാരിതേച്ച് പുറത്തേക്കിറങ്ങുമ്പോൾ
ഉമ്മയുടെ ശബ്ദം..

"നീ ഇഡ്ഡലിയും ചമ്മന്തിയും കഴിക്കുന്നുണ്ടോ..?"

"വേണ്ടാ.... "

ഞാൻ നോക്കുമ്പോൾ മുറ്റത്ത് കസാരകളിൽ എല്ലാം പെണ്ണുങ്ങളും നിരന്നിരിക്കുന്നു.
ശ്ശെ ഇനി ഇവറ്റകളെ എങ്ങനെ കടന്നു പോകും
വല്ലാത്ത പണി തന്നെ.
ഞാൻ ഒരു പാട്ട് പാടി കൊണ്ട് ഒന്നുമറിയാത്തവനെപ്പോലെ പുറത്തേക്കിറങ്ങി.. അവരെ കടന്നതുംപുറകിൽ നിന്നാരോ പറഞ്ഞു.

"ഞങ്ങള് കണ്ടു ഉമ്മാ എടുത്തോണ്ട് വരുന്നത്.
നീലയാണോ ചുവപ്പാണോ അതൊ കറുപ്പാണോ??"

ആ ചോദ്യം ചങ്കിലേക്കൊരു ഇടിത്തിപോലെ വന്നു വീണു..
അവർക്ക് മുഖം കൊടുക്കാതെ വേഗംബൈക്ക് സ്റ്റാർട്ട് ചെയ്തവിടെന്ന് പാഞ്ഞു...

"പുഞ്ചിരി ആർട്ട്സ് & സ്പോർട്ട് ക്ലബ് "

ഞങ്ങളുടെ സ്വന്തം ക്ലബ്.
ക്ലബിനു മുന്നിലെ നീണ്ട ബെഞ്ചിൽ ചങ്കുകൾ
അഖിൽ സാദിഖ് ഷറഫ് ജാക്സൺ ഷാമോൻ സൂചി കുത്താനൊരു ഗ്യാപ്പില്ലാതെ ഞെരുങ്ങിയിരിക്കുന്നു.. ഇത്ര ആത്മാർതയോടെ സ്നേഹത്തോടെ ഇരിക്കാൻ കാരണം മുന്നിലെ ബസ്സ്റ്റോപ്പാണ്..
അവിടെ തരുണിമണികൾ കൂട്ടത്തോടെ നിൽക്കുന്നു.. അതിനാൽ രാവിലെയും വൈകിട്ടും ഇവരിവിടെ കാണും.
പെട്ടെന്ന് അഖിൽ എന്നിലൂടെ നിങ്ങളോട്.

"ഈ പറയുന്ന കേട്ടതോന്നും ഇവൻ പുണ്യാളനാണെന്ന്..!"

ചെറിയ ചമ്മലോടെ ഞാൻ നിങ്ങളോട്..

"ഞാനും... "

ബൈക്ക് ഒതുക്കി വെച്ച് ക്ലബിനകത്തേക്ക് കയറാൻ തുടങ്ങിയപ്പോൾ ലോട്ടറി ടിക്കറ്റ് വിൽക്കുന്ന കണാരൻ ചേട്ടൻ മുന്നിലേക്ക് ഓടി വന്നു.

"മോനേ മുനീറെ ഇന്നാ നിന്റെ ടിക്കറ്റ് "

കണാരൻ ചേട്ടന്റെ കയ്യിൽ നിന്നും ടിക്കറ്റ് വാങ്ങി കാശ് കൊടുത്തു.ഇത് പതിവാണ് പുള്ളിക്കാരന്റെ കയ്യിൽ നിന്നും എന്നുമൊരു ടിക്കറ്റ്..
ക്ലബിനകത്ത് മെബൈലിൽ കുത്തി കുറിച്ചു കൊണ്ടിരിക്കുന്നു ഷെഫീക്ക് മച്ചാൻ...

"മച്ചാനേ പുതിയ കഥ വല്ലതുമാണോ?"

ഒരു ചിരിയോടെ ഷെഫീക്ക് എന്നോട് പറഞ്ഞു.

"ഒരു സിനിമയുടെ തിരക്കഥ എഴുതുകയാണ് മുത്തേ! തലവര ശരിയാണേൽ ഞാൻ രക്ഷപ്പെടും കൂടെ നിങ്ങളും.."

"കുറെ നാളായല്ലോടാ നീ ഈ കുത്തി കുറിക്കൽ തുടങ്ങിയിട്ട് ഒന്നു രക്ഷപ്പെട്ടു കണ്ടാ മതി"

ഞാനൊന്ന് ചിരിച്ച് കൊണ്ട് പുറത്തേക്കിറങ്ങിയപ്പോൾ 'പുന്നാര 'ബസിലെ ഡ്രൈവർ പഞ്ചാര ബിജു കൈ വീശി കാണിച്ചു കൊണ്ട് വണ്ടിയെടുക്കുന്നു..
ബസ് മുന്നോട്ട് നീങ്ങിയതും... പുറകിൽ ഒരു പെൺകുട്ടി ഓടി വരുന്നു..

"ആള് കേറാനുണ്ട് നിർത്തണേ"

ഒരു നിമിഷം ഞാനൊന്ന് പകച്ചുപ്പോയ്
വെള്ളാരം കണ്ണുകൾ! വെളുത്ത നിറമുള്ള വട്ട മുഖത്തിലെ ചുവന്ന ചുണ്ടുകൾ!
തലയിലെ തട്ടമൂർന്നു വീണപ്പോൾ അവളുടെ മുടിയിഴകൾ കാറ്റിൽ പറക്കുന്നു.. എന്റെ സ്വപ്നത്തിലെ സുന്ദരി!
പുറകിൽ നിന്നും ശറഫിന്റെ ശബ്ദം..

"...നാദിയ... "

ഞാൻ ഷറഫിനെ തിരിഞ്ഞു നോക്കുമ്പോൾ എല്ലാവരുടെയും കണ്ണുകൾ ബസിനു പുറകിലാണ്.
സാദിഖ് ദുഖഭാവത്തോടെ ആരോടെന്നില്ലാതെ പറഞ്ഞു..

"എന്റെ നാദിയമോൾ... ഇനി വൈകിട്ടാണല്ലോ കാണാൻ പറ്റുകയുള്ളു.. "

എന്റെ ചങ്ക് പെടക്കുകയായിരുന്നു. തന്റെ പ്രണയത്തെ പടച്ചോൻ സ്വപ്നത്തിലൂടെ കാട്ടി തന്നിരിക്കുന്നു.
ഞാൻ വേഗം ബെഞ്ചിലിരിക്കുന്ന ഷാമോന്റെ
തോളിൽ കൈയിട്ടു. അവൻ എന്റെ മുഖത്തേക്ക് നോക്കി. ഞാൻ പതിയെ അവനോട് "നാദിയ !"
ഇത് വേറൊന്നുമല്ലാ ഇവിടെയുള്ള എല്ലാ പെൺക്കുട്ടികളുടെയും സകല വിവരങ്ങളും അറിയാവുന്നത് അവനാണ്.. ആ കാര്യത്തിൽ ഇവൻ പുലിയാണ്...

"നമ്മുടെ പളളിമുക്കിലെ പ്ലൈവുഡ് കമ്പനി നടത്തുന്ന ജമാലിക്കാടെ മകൾ. ബാംഗ്ലൂരിലെ പഠിത്തം കഴിഞ്ഞ് രണ്ടാഴ്ച്ചയായി നാട്ടിലെത്തിയിട്ട്. നമ്മുടെ വിദ്യനികേതൻ സ്കൂളിലെ കംപ്യൂട്ടർ ടീച്ചർ.."

അവനൊരു മുത്തം കൊടുത്തിട്ട് ഞാൻ പുറത്തേക്കിറങ്ങി. എന്തോ ഇന്ന് പ്രകൃതിയൊക്കെ മാറിയതു പോലെ. എന്നിലേക്കടിച്ചുകയറുന്ന കാറ്റിന് പൂക്കളുടെ ഗന്ധം.. ഞാനും പ്രണയിക്കാൻ തുടങ്ങുന്നു..
സ്വപ്നത്തെകുറിച്ച് കൂട്ടുകാരോട് പറഞ്ഞപ്പോൾ ചില എതിർപ്പുകൾക്കൊടുവിൽ ഒരു കുപ്പി പൊട്ടിയപ്പോൾ എല്ലാവരും എനിക്ക് പിൻതുണ പ്രക്യാപിച്ചു..

അവളുടെ പിന്നാലെ ഞാൻ പ്രണയാതുരതനായ് അലയാൻ തുടങ്ങി.. എന്റെ അവളിലേക്കുള്ള നോട്ടങ്ങൾക്ക് അവളുടെ തുറിപ്പിച്ചുള്ള നോട്ടങ്ങൾ മാത്രമായിരുന്നു മറുപടികൾ.. ഒടുവിലെപ്പോഴൊ അവളുടെ വെള്ളാരം കണ്ണുകളിൽ എന്നോടുള്ള പ്രണയത്തിന്റെ തിളക്കം..
പിന്നിടങ്ങോട്ട് കത്തി പടരുകയായിരുന്നു ഞങ്ങളുടെ പ്രണയം.. പ്രണയസാഗരത്തിൽ ഞങ്ങൾ നീന്തി തുടിച്ചു... എല്ലാ പ്രണയത്തിലും ബാധിക്കുന്ന ആ വലിയ രോഗം ഞങ്ങൾക്കിടയിലും ബാധിച്ചു. പ്രണയസാഗരത്തിൽ നീന്തി കൊണ്ടിക്കുമ്പോഴാണ് വലിയൊരു തിരമാല എന്നെ വിഴുങ്ങിയത്.. അവളുടെ വിവാഹം!!

ഉപ്പാനെ എതിർക്കാനുള്ള ശക്തി അവൾക്കില്ലാത്രെ.. ചങ്ക് പൊട്ടി തകരുന്ന വേദന.. ക്ലബിനകത്ത് ഞാൻ ചടഞ്ഞുകൂടി. കണാരൻ ചേട്ടനും കൂട്ടുകാരും എന്നെ ആശ്വാസിപ്പിച്ചു കൊണ്ടിരുന്നു..
അങ്ങനെ ആ ദിവസമെത്തി നാദിയയുടെ നിക്കാഹ്!
നാടൊട്ടുക്ക് ക്ഷണമുള്ള വലിയ കല്യാണം..

ആകെ ശോകമൂകമായ അന്തരിക്ഷം.. ഇന്നത്തെ രാത്രി കൂടി കഴിഞ്ഞാൽ നാദിയ വേറൊരാൾക്ക് സ്വന്തം. സഹിക്കാൻ കഴിയുന്നതിലപ്പുറം.. എന്റെ നിരാശയുടെ ചങ്കത്തേക്ക് ജാക്സൺ ചങ്ക് ഒരു കുപ്പി കൊണ്ടുവന്നു വെച്ചു.കുപ്പിക്ക് ചുറ്റും ഞങ്ങൾ
വട്ടം കൂടി..

"മദ്യപാനം ആരോഗ്യത്തിന് ഹാനികരം "

മദ്യം തലക്ക് പിടിച്ചപ്പോൾ എന്നിലെ കാമുക ഹൃദയം തേങ്ങി..

"എനിക്ക് എന്റെ നാദിയയെ കാണാണം അവസാനമായി അവളുടെ വെള്ളാരം കണ്ണുകളിലേക്ക് നോക്കി സംസാരിക്കണം
ചങ്കുകളെ മുത്തുകളെ കൂടെ വരില്ലേടാ "

അങ്ങനെ നാദിയയുടെ വീടിന്റെ പുറകിലെ മതിലു ചാടി കടന്ന് ഞാൻ അകത്തേക്ക് കയറുമ്പോൾ
ജാക്സൺ എന്നോട് പറഞ്ഞു..

"മുനീറേ അലമ്പൊന്നും ഉണ്ടാക്കരുത് ഞങ്ങളിവിടെ നിൽക്കാം വേഗം വരണം "

ഒടുവിൽ നാദിയയെ കണ്ട് സംസാരിച്ച് തിരിച്ചു മതിലു ചാടി കടക്കുമ്പോൾ
ചങ്കുകൾ എന്നെ കാത്ത് അവിടെയുണ്ടായിരുന്നു..
വല്ലാത്ത ദുഖഭാരത്തോടെ ഞാൻ വിട്ടിലേക്ക് നടന്നു. ഹൃദയം ശൂന്യമായതു പോലെ.
വാതിൽ തുറന്ന ഉമ്മാക്ക് മുഖം കൊടുക്കാതെ ഞാൻ മുറിയിലേക്ക് കയറി..
തലയിണ കെട്ടിപ്പിടിച്ച് ദുഖഭാരം മൊത്തം ഞാൻ പൊട്ടി കരഞ്ഞു തീർത്തു.......

"മുനീറേ ടാ മുനിറേ"

ഞാൻ വല്ലാതെ കുലുങ്ങുന്നു.. ഉമ്മാ എന്നെ കുലുക്കി വിളിക്കുകയാണ്..

"പുറത്ത് നിന്റെ കൂട്ടുകാർ വന്നു നിൽക്കുന്നു"

പുതപ്പ് മാറ്റിയപ്പോൾ മുണ്ട് കാണുന്നില്ലാ..
ഒടുവിൽ കട്ടിലിന്റെ തലക്കൽ നിന്നും മുണ്ട് കണ്ടെടുത്തു.. പുറത്ത്
എല്ലാ ചങ്കുകളും കൂടെ കണാരേട്ടനും
സാദിഖ് സന്തോഷത്തോടെ എന്നെ കെട്ടിപ്പിടിച്ചപ്പോൾ കണാരേട്ടന്റെ ശബ്ദം...

"മുനീറേ ചക്കരെ 2 കോടിയുടെ ലോട്ടറി നിനക്കാടാ അടിച്ചത് "

ഞാൻ സന്തോഷം കൊണ്ട് തുള്ളി ചാടി
പെട്ടെന്ന് ഞാൻ തലയിൽ കൈ വെച്ച് തുണിലൂടെ താഴെക്ക് ഊർന്നിരുന്നു..
എല്ലാവരും എന്റെ വട്ടം കൂടി..
"എന്തു പറ്റിയടാ " ആവലാതിയോടെ കണാരേട്ടൻ ചോദിച്ചു..
ഞാൻ പറഞ്ഞു.
" എനിക്കൊരു ഫ്ലാഷ്ബാക്ക് വേണം"

ഇന്നലെത്തെ നാദിയയുടെ കല്യാണ രാത്രി!
ഞാൻ മതിലു ചാടി കടന്ന് നാദിയയുടെ മുറിയുടെ ജനാലകരികിൽ എത്തി. പതിയെ മുട്ടിവിളിച്ചു.. പലതവണ ഈ ജനൽപാളികൾ എന്റെ മുട്ട് ഏറ്റുവാങ്ങിയിട്ടുള്ളതാണ്.. ജനൽപാളി തുറക്കപ്പെട്ടു.. നാദിയ

"മുനിറേ എന്തായിത്? ഈ അസമയത്ത്?"

"എനിക്ക് നിന്നോട് സംസാരിക്കണം!"

"ഇപ്പോഴോ?"

"അതെ ഈ രാത്രി കൂടി കഴിഞ്ഞാൽ........."

എന്റെ തൊണ്ടയിടറി.. എങ്കിൽ വേണ്ടാ
കൂടുതലൊന്നും പറയാനില്ലാ എനിക്ക് പറ്റുന്നില്ലാ.. നിനക്ക് തരാൻ എന്റെ കൈയ്യിൽ ഒന്നുമില്ലാ... ഞാൻ പോകറ്റിൽ തപ്പിയപ്പോൾ ലോട്ടറി ടിക്കറ്റ് തടഞ്ഞു.. ഇതാണിപ്പോ എന്റെ കയ്യിലുള്ളത്.
ഞാനതെടുത്ത് അവൾക്ക് കൊടുത്തു.. പിന്നെ തിരിഞ്ഞു നടന്നു........

കണാരേട്ടൻ നെഞ്ചത്ത് കൈവെച്ചു..
"ഈശ്വരാ രാ രാ ബല്ലാത്ത ഫ്ലാഷ് ബാക്കായി പോയി.... "

കൂട്ടത്തിൽ നിന്നും ഷെഫീക്ക് പറഞ്ഞു...

"പെണ്ണും പോയി അടിച്ച ലോട്ടറിയും പോയി!"

രചന : പെരുമ്പാവൂരുകാരൻ ഷെഫീക്ക്

Conversation Skills: DON'T BE SHY!

Idioms in English - 'All'

Nurturing Your Child's Early Brain Development

Best Foods To Improve Children Memory Power

എന്തും നേടാം മനശക്തിയിലൂടെ | Dr Vijayan's Mind Mastery program

Powers of Sub Conscious Mind (ഉപബോധ മനസ്സിന്റെ ശക്തി )

Happiness and the Brain (Malayalam) Megha Viswanathan

Physiology – Course Preview | Medical Education Videos

Here & Hear - Commonly Confused Words in English

Talking about bad habits in English - English Vocabulary Lesson

Common Expressions in English

Happy Life

അവിഹിത ബന്ധങ്ങളിലേക്കു നയിക്കുന്ന ഘടകങ്ങൾ .

അവിഹിത ബന്ധങ്ങളിലേക്കു നയിക്കുന്ന ഘടകങ്ങൾ .
നമ്മുടെ പെൺകുട്ടികളെ , സഹോദരിമാരെ , ഇണകളെ നിർബന്ധമായും പഠിപ്പിച്ചു കൊടുക്കേണ്ടത്. നമ്മളും മനസ്സിലാക്കിയിരിക്കേണ്ടത് .

സ്ത്രീ പുരുഷ ബന്ധങ്ങൾ ഒരു സുപ്രഭാതത്തിൽ പൊട്ടി മുളയ്ക്കുന്നതല്ല.
ചില സാഹചര്യങ്ങളിലൂടെ കടന്നു പോവുമ്പോൾ പലപ്പോഴും നമ്മളറിയാതെ സംഭവിക്കുന്നതാണ് .
അതിൽ പ്രധാനപ്പെട്ട ഘട്ടങ്ങൾ ഇവിടെ വിശദീകരിക്കാം.
ഇവയോരോന്നും സാവധാനം വായിച്ചു ഗ്രഹിക്കാൻ ശ്രമിക്കുക. അതോടൊപ്പം നമ്മൾ കടന്നു പോയതും നമുക്ക് പരിചയമുള്ളതുമായ ജീവിതസാഹചര്യങ്ങളുമായി ചേർത്ത് വായിക്കാൻ ശ്രമിക്കുക.

1. ഫിസിക്കൽ അട്രാക്ഷൻ
2. പ്രോക്സിമിറ്റി
3. സിമിലാരിറ്റി
4. റെസിപ്രോസിറ്റി
5. ഇന്റ്റിമസി

ഫിസിക്കൽ അട്രാക്ഷൻ
**********************
ഒന്നാമത്തെ ഘട്ടം . പരസ്പരമുള്ള ആകർഷണം.
എതിർ ലിംഗത്തിലുള്ള ഒരു വ്യക്തിയുടെ സൗന്ദര്യം , ആകാരം, ശബ്ദം, ബുദ്ധിശക്തി , സംസാരം, മറ്റു കഴിവുകൾ തുടങ്ങി നമ്മെ ആ വ്യക്തിയിലേക്ക് ആകർഷിക്കുന്ന ഭൗതികമായ എന്തും ഫിസിക്കൽ അട്രാക്ഷന് കാരണമായിത്തീരുന്നു.

പ്രോക്സിമിറ്റി
***********
അടുത്ത ഘട്ടം . പരസ്പരം ബന്ധപ്പെടാനുള്ള സാഹചര്യങ്ങൾ.
നമ്മെ ആകർഷിച്ച വ്യക്തിയുമായി തുടർന്നും ഇടപെടാനുള്ള സാഹചര്യമാണ് പ്രോക്സിമിറ്റി.
സ്കൂൾ/കോളേജ് ക്യാമ്പസ്, ഓഫീസ്, വീട് ( ജോലിക്കാർ ) , ബസ്/ഓട്ടോറിക്ഷ തുടങ്ങിയ പബ്ലിക് വാഹനങ്ങൾ, ഫോൺ , വാട്സ് അപ്പ് , മറ്റു സോഷ്യൽ മീഡിയ ഇതൊക്കെ പ്രോക്സിമിറ്റിക്കു കാരണങ്ങളാണ്.

സിമിലാരിറ്റി
************
മൂന്നാമത്തെ ഘട്ടം . പരസ്പരം ഒന്നാകാനുള്ള പ്രവണത .
പരസ്പരം ആശയ വിനിമയം നടത്തുന്നതിലൂടെ, നമ്മെ ആകർഷിച്ച വ്യക്തിയും നമ്മളും തമ്മിലുള്ള സാദൃശ്യങ്ങൾ കണ്ടെത്തുന്നതാണ് സിമിലാരിറ്റി .
ഒരേ ഭക്ഷണം , നിറം, യാത്ര, ചർച്ച ചെയ്യാനിഷ്ടപ്പെടുന്ന വിഷയങ്ങൾ തുടങ്ങി എന്തും സിമിലാരിറ്റിക്കു കാരണമാവുന്നു.

റെസിപ്രോസിറ്റി
***************
നാലാമത്തെ ഘട്ടം. പരസ്പരം ത്യാഗം ചെയ്യാനുള്ള സന്നദ്ധത.
പരസ്പരം വസ്തുക്കൾ കൈമാറുന്ന ഘട്ടമാണ് ഇത് .
പുസ്തകങ്ങൾ, മറ്റു പഠന സഹായികൾ, വസ്ത്രം, ഇഷ്ടപ്പെട്ട ഭക്ഷണം, ആഭരണം, മൊബൈൽ പണം തുടങ്ങി തങ്ങൾക്കു വിലപ്പെട്ട പലതും ഈ ഘട്ടത്തിൽ കൈമാറ്റം ചെയ്യാൻ തുടങ്ങുന്നു .

ഇന്റ്റിമസി
**********
സ്ത്രീ പുരുഷ ബന്ധത്തിന്റെ ക്ലൈമാക്സ് ഇവിടെ തുടങ്ങുന്നു.
ഇതാണ് ബന്ധം വേർപിരിക്കാനാകാത്ത വിധം മുറുകിക്കൊണ്ടിരിക്കുന്ന ഘട്ടം .
ഇൻറ്റിമസി എന്ന അവസ്ഥയിൽ എത്തുന്നതോടെ ആണിന്റ്റെയും പെണ്ണിന്റ്റെയും ശരീരത്തിൽ ഡോപ്പാമിൻ എന്ന ഒരു ഹോർമോൺ ഉൽപ്പാദിപ്പിക്കപ്പെടുന്നു.
ശക്തമായ ഒരു ഹോർമോൺ ആണ് ഇത് . ഇത് ഉണ്ടാവുന്നതോടെ മതം, ജാതി, പ്രായ വ്യത്യാസം, ജോലി, സമ്പത്ത് , വിവാഹം, കുട്ടികൾ, മാതാ പിതാക്കൾ തുടങ്ങിയ ഒന്നിനും ബന്ധം വേർപെടുത്താൻ സാധിക്കാതെ വരുന്നു.
ഒളിച്ചോട്ടം , ആത്മഹത്യാ തുടങ്ങി എന്ത് ത്യാഗത്തിനും ഈ ഹോർമോൺ പ്രേരിപ്പിക്കുന്നു .

ആൻറ്റി ക്ലൈമാക്സ്
****************
 നമ്മുടെ പെൺകുട്ടികൾ, സ്ത്രീകൾ നിർബന്ധമായും മനസ്സിലാക്കേണ്ട ഘട്ടമാണിത് .
ഡോപ്പാമിൻ ഹോർമോണിനു ഒരു കാലാവധിയുണ്ട് . ഏകദേശം ആറു മാസം മുതൽ ഒരു വർഷം വരെയാണിത് .
ഫിസിക്കൽ അട്രാക്ഷനിൽ തുടങ്ങി , പ്രോക്സിമിറ്റി , സിമിലാരിറ്റി , റെസിപ്രോസിറ്റി എന്നീ ഘട്ടങ്ങളിലൂടെ ഇന്റ്റിമസിയിൽ എത്തിയ ശേഷം ഉണ്ടായ ഡോപ്പാമിൻ ഹോർമോണിൻറ്റെ പ്രവർത്തനം ചുരുങ്ങിയ കാലം കൊണ്ട് തന്നെ നിർവീര്യമായി തുടങ്ങുന്നു .

ഡോപ്പാമിൻ നിർവീര്യമാവുന്നതോടെ ബന്ധത്തിൽ ഉലച്ചിലുകൾ തട്ടാൻ ആരംഭിക്കുന്നു. പരസ്പര കലഹത്തിൽ തുടങ്ങി ബന്ധം വേർ പിരിയുന്ന ഘട്ടത്തിലേക്ക് നയിക്കുന്നു.
ഇതിനു പ്രധാനമായും രണ്ടു കാരണങ്ങളാണ്.

1. ലൈംഗികതയാണ് പുരുഷനെ സ്ത്രീയിലേക്കു അടുപ്പിക്കുന്നത്. അന്യ സ്ത്രീകളിലാണ് പുരുഷന് എപ്പോഴും കൂടുതൽ ലൈംഗിക ആകർഷണം ഉണ്ടാവുക. ഒരു സ്ത്രീയിൽ ലൈംഗിക സുഖം പൂർത്തീകരിക്കപ്പെടുന്നതോടെ പതുക്കെ പുരുഷന് അവളോടുള്ള താല്പര്യം കുറഞ്ഞു വരുന്നു. ഇത് അവിഹിത ബന്ധങ്ങളെ എളുപ്പം തകർച്ചയിലേക്ക് നയിക്കുന്നു.

2. പുരുഷനിൽ നിന്നുള്ള ലാളനകളാണ് സ്ത്രീയെ അവനിലേക്ക്‌ ആകർഷിക്കുന്നത് .
സ്ത്രീ ഒരിക്കലും പുരുഷനെ പോലെ ലൈംഗികത ലക്ഷ്യമാക്കുന്നില്ല.
പുരുഷനോടൊപ്പം കൂടുതൽ സമയം കൊഞ്ചി രസിച്ചിരിക്കാൻ അവൾ ഇഷ്ടപ്പെടുന്നു.
തനിക്കു വേണ്ടി സമയം ചിലവഴിക്കുന്ന പുരുഷനെ അവൾ സ്വഭാവികമായും ഏറെ ഇഷ്ടപ്പെടുന്നു. അവനിലേക്ക്‌ പതുക്കെ ചായാൻ തുടങ്ങുകയും തനിക്കു വിലപ്പെട്ടതെല്ലാം പകരം നൽകാൻ തയ്യാറാവുകയും ചെയ്യുന്നു.

പരുഷന് സ്ത്രീയിൽ താല്പര്യം കുറയുന്നതോടെ പഞ്ചാര വർത്തമാനങ്ങളും ലാളനകളും പതുക്കെ ഇല്ലാതാവുന്നു. പുരുഷൻ സ്ത്രീയോട് പരുക്കാനായി തുടങ്ങുന്നു.
ലാളനകൾ നഷ്ടപ്പെടുന്ന പെണ്ണ് ആദ്യത്തിൽ ക്ഷമിക്കുമെങ്കിലും പിന്നീട് പുരുഷനോട് അകലാൻ തുടങ്ങുന്നു. അപ്പോഴേക്കും തിരിച്ചെടുക്കാൻ കഴിയാത്ത വിധം പെണ്ണിന് എല്ലാം നഷ്ടപ്പെട്ടിരിക്കും. അത് വീണ്ടും മറ്റു കടും കൈകൾ ചെയ്യാൻ അവളെ പ്രേരിപ്പിക്കുന്നു.

അവിഹിത ബന്ധങ്ങൾ വഴിയുള്ള ചെറിയ സുഖാനന്ദങ്ങൾക്കു വേണ്ടി വലിയ വിലയാണ്, ചിലപ്പോൾ സ്വന്തം ജീവിതം തന്നെയാണ് പലർക്കും ബലി കഴിക്കേണ്ടി വരുന്നത് . പരുഷന്മാരേക്കാൾ കൂടുതൽ സ്ത്രീകളാണ് ഇതിനു ഇരകളാവുന്നത് .
മുൻകരുതൽ
************
അവിഹിത ബന്ധങ്ങൾ ഉണ്ടാവാതിരിക്കാനുള്ള ഏറ്റവും ഫലപ്രദമായ മാർഗം ഡോപ്പാമിൻ ഉല്പാദനത്തിലേക്ക് നയിക്കുന്ന ആദ്യ രണ്ടു ഘട്ടങ്ങളായ ഫിസിക്കൽ അട്രാക്ഷൻ , പ്രോക്സിമിറ്റി എന്നീ സാഹചര്യങ്ങളെ പരമാവധി ഇല്ലായ്മ ചെയ്യാൻ പരിശ്രമിക്കലാണ് .

അന്യ പുരുഷന്മാർക്ക് മുൻപിൽ ശരീര സൗന്ദര്യം പ്രദർശിപ്പിക്കൽ സ്ത്രീകൾക്കും, അന്യ സ്ത്രീകളുടെ ശരീര സൗന്ദര്യം ആസ്വദിക്കൽ പരുഷന്മാർക്കും നൈസർഗ്ഗികമായുള്ള ത്വരയാണ്. പ്രപഞ്ച സ്രഷ്ടാവിനോടുള്ള അങ്ങേ അറ്റത്തെ സ്നേഹവും അത് മൂലമുള്ള അനുസരണയും ഈ ഇഷ്ടങ്ങളെ ബലി കഴിക്കാൻ ആണിനേയും പെണ്ണിനേയും പ്രേരിപ്പിക്കേണ്ടതുണ്ട് . സമ്പത്തിനോട് ഇഷ്ടമുണ്ടായിട്ടും അത് ആവശ്യക്കാർക്കിടയിൽ ചിലവഴിച്ചു സൃഷ്ടാവിന്റ്റെ കല്പനയെ അനുസരിക്കുന്നത് പോലെ.

അന്യ പുരുഷന്മാർക്ക് മുന്നിൽ തൻ്റെ ശരീര സൗന്ദര്യം കഴിയാവുന്നിടത്തോളം മറച്ചു വെച്ച് സ്ത്രീയും, അന്യ സ്ത്രീ സൗന്ദര്യത്തിനു നേരെ കണ്ണുകൾ താഴ്ത്തി പുരുഷനും സ്രഷ്ടാവിനോടുള്ള സ്നേഹവും അനുസരണയും സാക്ഷ്യപ്പെടുത്തേണ്ടതുണ്ട് .

വിരസമായ വൈവാഹിക ജീവിതം
*******************************
വൈവാഹിക ജീവിതത്തിലും ഡോപാമിന്റ്റെ സ്വാധീനം കാണാവുന്നതാണ്.
മധു വിധു നാളുകൾ തീരുന്നതോടെ മിക്കയാളുകളുടെയും ദാമ്പത്യം വിരസമായി മാറുന്നു.
സാമൂഹ്യ വ്യവസ്ഥയെ ഭയന്നു വൈവാഹിക ബന്ധം തള്ളി നീക്കി മുന്നോട്ടു കൊണ്ട് പോവുന്നവരാണ് അധികവും. ചിലർ അവിഹിത ബന്ധങ്ങളിൽ ആനന്ദം അന്വേഷിക്കുന്നു .

താൻ വിവാഹം ചെയ്ത സ്ത്രീയുമായി, ഒരു സ്ഫടിക പാത്രം കൈകാര്യം ചെയ്യുന്നത് പോലെ, വളരെ സോഫ്റ്റ് ആയി പെരുമാറണമെന്നും, അവരെ ഏറെ മാനിക്കണമെന്നും ലാളിക്കണമെന്നുമുള്ള സ്രഷ്ടാവിന്റ്റെ കല്പനയെ അനുസരിക്കുക മാത്രമാണ് ഡോപാമിൻ നിർവീര്യമായാലും വൈവാഹിക ബന്ധം ഊഷ്മളമായി നില നിർത്താനുള്ള ഏക പോം വഴി.
എന്നാൽ , ഇതൊന്നും ചിന്തിക്കാൻ പോലും പറ്റാത്തത്ര പരുക്കനായാണ് മിക്ക പുരുഷന്മാരും അവരുടെ സ്ത്രീകളോട് പെരുമാറുന്നത് .

തന്റ്റെ ശരീരം മോടി പിടിപ്പിച്ചു സുന്ദരിയായി സുഗന്ധം പൂശി പരമാവധി ആകർഷിക്കത്തക്ക രീതിയിലുള്ള തയ്യാറെടുപ്പുകൾ നടത്തി വേണം പുരുഷനെ എന്നും വരവേൽക്കാൻ എന്ന് സ്ത്രീകളോടും സ്രഷ്ടാവ് കല്പിച്ചിരിക്കുന്നു.
എന്നാൽ, അന്യ പുരുഷന്മാർക്ക് മുൻപിൽ പ്രദർശിപ്പിക്കുന്നതിനു വേണ്ടി തന്റ്റെ ശരീര സൗന്ദര്യം മോടി പിടിപ്പിക്കാൻ മണിക്കൂറുകൾ ചിലവഴിക്കുന്ന സ്ത്രീകൾ, സ്വന്തം പുരുഷന് മുന്നിൽ വായ് നാറ്റവും വിയർപ്പു മണവും മുഷിഞ്ഞ വസ്തങ്ങളുമാണ് കാഴ്ച വെക്കുന്നത്.

നാം ജീവിക്കുന്ന ഈ ലോകത്തു അതിരുകളില്ലാത്ത ആനന്ദം തേടുന്നതും അതിനു വേണ്ടി പരിശ്രമിക്കുന്നതും ശുദ്ധ വിവരക്കേടാണെന്നു അനുഭവങ്ങൾ നമ്മെ ബോധ്യപ്പെടുത്തുന്നു.
പ്രപഞ്ച സ്രഷ്ടാവിന്റ്റെ കല്പനകൾ കഴിവിന്റ്റെ പരമാവധി അനുസരിച്ച്‌, അതിരുകളില്ലാത്ത ആനന്ദം ആസ്വദിക്കാൻ കഴിയുന്ന മറ്റൊരു ലോകത്തെ അനശ്വരമായ ജീവിതത്തിനു വേണ്ടി പരിശ്രമിക്കലാണ് യഥാർത്ഥത്തിൽ ബുദ്ധി.

ചില വ്യക്തികളുടെ അവിഹിത ബന്ധങ്ങൾ കുടുംബത്തിലും സമൂഹത്തിലും പരിഹരിക്കാനാവാത്ത കുഴപ്പങ്ങൾക്ക് കാരണമായിത്തീരുന്നു . ചിലപ്പോൾ വരും തലമുറകളിലേക്ക് പോലും അത് വ്യാപിക്കുന്നു.
അതുകൊണ്ടു സമാധാന ജീവിതം ആഗ്രഹിക്കുന്ന എല്ലാവരും ഈ പോസ്റ്റ് പരമാവധി പേരിലേക്ക് ഷെയർ ചെയ്യുക.

മരണമെത്തുന്ന നേരത്ത്"

*ഇന്ന് എന്നെ കരയിപ്പിച്ച സന്ദേശം.....* 😢😢😢
👇👇👇

"മരണമെത്തുന്ന നേരത്ത്"
-------------------------------------

അന്ന് മഴയുണ്ടാകുമോ...?

അറിയില്ല,...

ഉണ്ടായിരുന്നെങ്കില്‍ എന്ന്‍ വെറുതെ കൊതിക്കുകയാണ്,...
ഒരു ചെറിയ ചാറ്റല്‍മഴ വേണം ...
ആ ചാറ്റല്‍മഴകൊണ്ട്‌ എന്‍റെ വീട്ടിലേക്കുള്ള ഇടവഴി നനഞ്ഞിരിക്കണം....

അന്നേരത്തുള്ള മണ്ണിന്‍റെ നനഞ്ഞ മണം അവസാനമായി എന്നെ ഒരുനോക്ക് കാണാന്‍ വരുന്നവര്‍ മണക്കണം....

വീട്ടിലെത്തിയാല്‍ പിന്നെ കുന്തിരിക്കം പുകഞ്ഞ മണം ആസ്വദിക്കണം,........
ഒരു വല്ലാത്ത ദിവസം തന്നെയാകും അത് ... അല്ലെ....

തീരെ വീട്ടില്‍ ഇരിക്കാത്ത എന്നെ, മണിക്കൂറുകളോളം എന്‍റെ വീടിന്‍റെ ഹാളില്‍ മലര്‍ത്തി കിടത്തുന്ന ദിവസം....

കരഞ്ഞ് കരഞ്ഞ് കണ്ണീരുപോലും വറ്റിയ എന്‍റെ ഉമ്മയുടെ സഹിക്കാനാവാത്ത ദിവസം,......

എന്നോട് തല്ലുകൂടിയിട്ടും വഴക്കിട്ടിട്ടും മതിയാവാത്ത എന്‍റെ ചങ്കായ സഹോദരന്മാരുടെയും കൂട്ടുകാരുടേയും ചങ്ക് പിടയുന്ന ദിവസം,.
എന്‍റെ പൊന്നുപ്പായുടെ കവിൾ തടങ്ങൾ കണ്ണീരിനാല്‍ നനഞ്ഞ് കുതിരുന്ന ദിവസം,....

എനിക്ക് വേണ്ടി "മീസാന്‍കല്ല്‌" പണിയാന്‍ ഏല്‍പിക്കുന്ന ദിവസം,... ,.....

ഇന്നലെവരെ ഉപയോഗിച്ച വിലകൂടിയ തുണിക്ക് പകരം വിലകുറഞ്ഞ കഫന്തുണി എനിക്ക് വേണ്ടി ഒരുങ്ങുന്ന ദിവസം,....

എന്‍റെ പൊന്നുമ്മയെ ആശ്വസിപ്പിക്കാന്‍ അയല്‍വാസികളായ താത്തമാരും, ബന്ധുക്കാരും അടുക്കള വാതില്‍വഴി എന്‍റെ വീട്ടില്‍ തിങ്ങി നിറയുന്ന ദിവസം,...

കൂടെ...
എന്റെ പേര് ചേർത്ത് വീട് അന്യേഷിച്ചവര്‍ മരിച്ച വീട് എന്ന്‍ മാറ്റിപ്പറയുന്ന നനഞ്ഞ ദിവസം,....

ഒരു സെന്റ്‌ ഭൂമിയെങ്കിലും സ്വന്തമാക്കാനുള്ള കഠിന പ്രയത്നത്തിനിടയിൽ എനിക്ക് ഒടുവില്‍ ഔധാര്യമായി ആറടി മണ്ണ് കിടക്കാന്‍ ലഭിക്കുന്ന ദിവസം,..

'ദിവസങ്ങള്‍ ഒരുപാട് കണ്ട' ഞാന്‍ കാണാത്ത ഒരു അവസാന ദിവസം,....!

എനിക്കിപ്പോഴും അത്ഭുതം തോന്നുന്നു.

ഒരു ഒരുക്കവും ഇല്ലാതെ കിടക്കുന്ന എന്നെ കാണാന്‍ നിങ്ങളെന്തിനാണ് ഇത്രമേല്‍ ഉടുത്തൊരുങ്ങി വരുന്നത്,.. ?

കളിയാക്കിയവരും, പരിഹസിച്ചവരും ഈ ദിവസത്തില്‍ മാത്രമെന്തിനാണ് എന്നെ ഇത്രമേല്‍ നല്ല വാക്ക് കൊണ്ട് മൂടിപ്പുതപ്പിക്കുന്നത്,.....

ഒടുവില്‍,...... "എന്നാല്‍ ഇനി അതികം വെച്ച് താമസിപ്പികണ്ട" എന്ന് ഏതെങ്കിലും മുതിര്‍ന്ന കാര്‍ന്നവര്‍ പറയുമ്പോള്‍,.....
തൊണ്ടയിലെ അവസാനത്തെ ശബ്ദവും തേങ്ങലായി എന്‍റെ പുന്നാര ഉമ്മ പൊട്ടിക്കരയുന്ന നേരം,....

ആസമയത്ത് എന്‍റെ പൊന്നുപ്പയുടെ മുഖം എനിക്ക് ഓര്‍ത്ത്‌ നോക്കാന്‍ കഴിയുന്നുണ്ട്,....
 എന്‍റെ സഹോദരന്മാരുടെ വിറയാര്‍ന്ന അധരങ്ങള്‍ എനിക്ക് കാണാന്‍ പറ്റുന്നുണ്ട്,....

എന്നെ സ്നേഹിക്കുന്നവരുടെ നനഞ്ഞ കണ്ണും ഞാന്‍ കാണുന്നുണ്ട്,...

എനിക്കറിയാം ,....
പറഞ്ഞയക്കാന്‍ ആരും ആഗ്രഹിചിട്ടല്ല... പോകാന്‍ എനിക്ക് തിടുക്കം ഉണ്ടായിട്ടുമല്ല,....

പക്ഷെ....
എന്‍റെ റബ്ബ് തീരുമാനിച്ചിരിക്കുന്നു...
എന്‍റെ സമയം,...
എന്‍റെ സന്ദര്‍ഭം,...
എന്‍റെ ഈ നനഞ്ഞ ദിവസം,......

ഉമ്മാ,....
ഞാന്‍ പോവുകയാണ്,.... നിങ്ങളോടെങ്ങിനെയാണ് ഞാന്‍ യാത്ര ചോദിക്കുക,...

നിങ്ങളില്‍ നിന്നും എനിക്ക് നഷ്ടമാകുന്ന ഒരു വല്ലാത്ത സന്ദര്‍ഭമുണ്ട്...
മഗ്രിബ് നിസ്കരിച്ച് ഞാന്‍ വീട്ടില്‍ എത്തുമ്പോള്‍,.. നിസ്ക്കാരക്കുപ്പായം ധരിച്ച് മുസല്ലയില്‍ പടച്ചവനോട് "സ്വകാര്യം" പറയുന്ന നിങ്ങളുടെ മടിയില്‍ വന്നിരിക്കുന്ന എന്‍റെ കുട്ടിക്കാലത്തെ ഏറ്റവും വലിയ സന്ദര്‍ഭം,...
അത് ആസ്വദിക്കാന്‍ ഇനി ഞാനുണ്ടാവില്ലല്ലോ എന്നോര്‍ക്കുമ്പോള്‍ എനിക്ക് യാത്ര ചോദിക്കാന്‍ കഴിയുന്നില്ല ഉമ്മാ,.....

ഉമ്മാ,...
നിങ്ങള്‍ എനിക്ക് വേണ്ടി മറക്കാതെ ഒരു കാര്യം ചെയ്യണേ,... എനിക്ക് പേടിയാണ്,.. സ്വയം മറന്നുള്ള സങ്കടത്തില്‍ നിങ്ങളത് മറക്കുമോ ആവോ,....
എന്താണെന്നോ,.. എന്നെ കുളിപ്പിച്ച് കിടത്തിയാല്‍ നിങ്ങളുടെ മഹത്തരമായ പാദങ്ങള്‍ എന്‍റെ പാദങ്ങളിലൊന്ന്‍ തട്ടിക്കണേ,... റസൂല്‍ പറഞ്ഞ കാല്‍പാഥങ്ങളിലെ സ്വര്‍ഗ്ഗം എനിക്കൊന്ന് അനുഭവിക്കാനാണ്...

ഇനി ഞാന്‍ പോവുകയാണ്,.. യാത്ര ചോദിക്കാന്‍ കഴിയാത്ത എന്‍റെ അവസാനയാത്രയാണിത്..!

എന്നെയും വഹിച്ച് പള്ളിക്കാടിലേക്ക് നടക്കുന്ന എന്‍റെ പ്രിയപ്പെട്ടവർ....

ഒടുവില്‍,.. "ഞാനെന്ന" മയ്യിത്തിന്‍റെ നിസ്കാരം നിര്‍വഹിക്കാന്‍ എന്‍റെ പൊന്നുപ്പാക്കോ സഹോദരന്മാർക്കൊ നിങ്ങള്‍ സൗകര്യം ചെയ്ത് കൊടുക്കണേ,...

ഇനി,.....
ഇനി,......
ഇനിയെന്നെ കബറിലേക്ക് എടുത്തോളൂ,.... മെല്ലേ ആ കുഴിയിലേക്ക് ഇറക്കിവെച്ച് മറമാടിക്കഴിഞ്,....
അല്പസമയം കൂടി തസ്ബീത്തു ചൊല്ലിത്തരണേ...

ഇനി നിങ്ങള്‍ നടന്ന്‍ നീങ്ങികൊള്ളൂ,...
ഇനി എന്‍റെ നന്മയും,.. തിന്മകളും ബാക്കിയാകുന്ന ഇരുണ്ട മുറിയും...
ഞാനും മാത്രമുള്ള ലോകമാണ്,...
ഒന്ന് തിരിഞ്ഞ് കിടക്കാന്‍ പോലും കഴിയാത്ത മുറി,...
ഓര്‍ക്കുമ്പോള്‍ ചങ്ക് പൊളിയുന്ന വേദനയാണ്...

നിങ്ങളപ്പോള്‍ എനിക്ക് മുകളില്‍ വിതറിയ മൂന്ന് പിടി മണ്ണിന്‍റെ കയ്യില്‍ പറ്റിപ്പിടിച്ച പൊടി കഴുകിക്കളയുന്ന തിരക്കിലാകും,.... അല്ലേ,... അതേ....
കുറച്ച് ദിവസം കഴിഞ്ഞാല്‍ നിങ്ങളും മറക്കും എന്നെ... പള്ളിക്കാട്ടിലെ അടുത്ത രണ്ട് മീസാന്‍ കല്ലുകള്‍ വരുന്നത് വരെ മാത്രം നിങ്ങളുടെ ഓര്‍മകളില്‍ എനിക്ക് ആയുസ്സുണ്ടാകും ലേ,.. ?

പക്ഷെ,... എന്നെ സ്നേഹിക്കുന്നവര്‍ എന്നെ മറക്കില്ലായിരിക്കും....!

ഇനി ഞാന്‍ ഉറങ്ങുകയാണ്.....
ഉണരാന്‍ വേണ്ടിയല്ലാത്ത ഒരു വല്ലാത്ത ഉറക്കം........ !!

മരണം ഓര്‍ത്ത് നോക്കിയിട്ടുണ്ടോ നമ്മള്‍... ഇല്ലെങ്കില്‍ ഓര്‍ത്ത് നോക്കണം..

പിടയും ശെരിക്കും നമ്മുടെ ഉള്ള്... ആരെയും നോവിക്കാനല്ല.. പക്ഷെ ഒന്ന് ചിന്തിക്കാന്‍... നമ്മള്‍ മരിച്ച് കഴിഞ്ഞാല്‍ ഭൂമിയില്‍ നമ്മുടെ പേരില്‍ ബാക്കി നില്‍കുന്ന വല്ല നന്മയും ഉണ്ടോ... എന്ത് മുന്നൊരുക്കമാണ്‌ നമുക്കുള്ളത്....

എത്രപേരോടാണ് നമ്മള്‍ വഴക്കിട്ടത്... പൊരുത്തപെടിയിച്ചിട്ടുണ്ടോ... ? മരണം നാളെയാണെങ്കിലോ... ? കൊടുക്കാനുള്ള കടം എഴുതി വെച്ചിട്ടുണ്ടോ.... ഇന്ന് രാത്രിയോടെ നമ്മുടെ ആയുസ്സ് തീരുകയാണെങ്കിലോ...? കടം തന്നവന്‍ നാളെ നമ്മെ ശപിച്ചാലോ... ?

ഉമ്മയോട് വഴക്കിട്ടാണോ വീട്ടില്‍ നിന്ന് ഇറങ്ങിയത്... ? ബൈക്കിലാണോ യാത്ര ... ? അവസാനത്തെ യാത്രയായാലോ.... ? പകരം ഉമ്മാനോട് ചിരിച്ച് സലാം പറഞ്ഞിട്ടാണോ യാത്ര പുറപ്പെട്ടത്... ആ മരണത്തിനൊരു സുഖമില്ലേ...?

ചിരിക്കാന്‍ പിശുക്ക് കാണിക്കാറുണ്ടോ... കര്‍ക്കശ സ്വഭാവക്കാരനാണോ.. മരിച്ച് കിടക്കുമ്പോള്‍ നമ്മുടെ മരണം ആഗ്രഹിക്കുന്ന ആളുകളെ എന്തിന് അതിലൂടെ സമ്പാദിക്കണം... ? ചെറിയ ഈഗോയുടെ പേരില്‍ ഭാര്യയോട് പിണങ്ങി മാറി താമസിക്കുകയാണോ.. ? രണ്ടില്‍ ഒരാള്‍ നാളെ മരിക്കുകയാണെങ്കില്‍... ?

ഓര്‍ക്കണം....
അറ്റാക്ക് രണ്ട് തവണ കഴിഞ്ഞവനും.. ക്യാന്‍സര്‍ രോഗിയും...
മാരകമായ അസുഖം ഉള്ളവനും മാത്രമല്ല മരിക്കുന്നത്....
'സ്വാഭാവിക മരണം' എന്ന് കേട്ടിട്ടില്ലേ,...

മരണത്തിന് വയസ്സില്ല....
ജാതിയില്ല....
മതമില്ല.....
ഗോത്രമില്ല....
ഊരില്ല...
പേരില്ല....
എപ്പോഴും നമ്മില്‍ സംഭവിക്കാം........

അതേ പ്രതീക്ഷിക്കണം....
കൂടെയുണ്ട്....)

നല്ല മരണങ്ങള്‍ നല്‍കി നാഥന്‍ അനുഗ്രഹിക്കട്ടെ,......

പൊരുത്തപ്പെട്ടു തരണേ സഹോദരാ.... തെറ്റുകൾ വന്നു പോയിട്ടുണ്ടാകും
ഇനിയും ബാക്കിവെച്ചിട്ടെന്തിനാ...

പ്രാർത്ഥനയോടെ ......